Þegar þú ert klár með hugmyndina, búin að taka upp prufu þátt og ákveðin í að fara af stað þá þarf að setja upp hlaðvarpið. Vertu með eftirfarandi á hreinu:

• Nafn
• Lýsing á hlaðvarpi
• Mynd (3000x3000px undir 1mb)

Neðangreind skref þarf einungis að gera einu sinni og í framhaldi birtast þættir á öllum veitum samstundis.

Dreifiveita

Dreifiveitan er vettvangurinn þar sem þú setur inn hvern þátt og veitan sér svo um að dreifa þáttunum á allar helstu hlaðvarpsveitur. Þegar hlaðvarp er sett upp í fyrsta skipti þarf að submitta því á Spotify og Apple. Þegar því er lokið þarftu aldrei aftur að spá í þessu heldur notaru dreifiveituna til þess að dreifa þáttum. Þú þarft aðeins að submitta á Apple og Spotify því nánast allar aðrar veitur sækja sína þætti frá þeim.

1. Þú býrð til aðgang fyrir hlaðvarpið á Buzzsprout, Podbean eða hvaða dreifiveitu sem þið viljið
2. Þegar þú býrð til aðganginn þarf að setja mynd af þættinum og það er mikilvægt að hún sé 3000x3000px og undir 1mb
3. Settu hljóðbrot (kannski 3 min) inná aðganginn. Ástæðan fyrir hljóðbrotinu er að þú getur ekki submittað hlaðvarpið á Spotify og Apple ef það er ekkert efni á rásinni. Ef hlaðvarpið á að vera kynnt á ákveðnum degi þá þarf að submitta fyrst á veiturnar því það getur tekið 1-5 daga (yfirleitt þó undir 24 tíma).

Núna er dreifiveitan uppsett en það þarf að submitta hlaðvarpinu á Spotify og Apple. Þetta þarf bara að gera einu sinni og í framhaldi birtast þættir sjálfkrafa á öllum veitum.

Apple

1. Búðu til aðgang á https://podcastsconnect.apple.com/
2. Ýttu á plúsinn og veldu „New show“
3. Veldu „Add a show with an RSS feed“ og ýttu á Next
4. Nú þarftu að fara á Buzzsprout, Podbean eða hvaða dreifiveitu sem þú notaðir og sækir þar RSS hlekk hlaðvarpsins. Það er mismunandi eftir veitum hvar það er, getur googlað eða prófað þig áfram. Hlekkurinn er alltaf í stjórnborðinu. Afritaðu þennan hlekk.
5. Ferð aftur á Apple, setur hlekkinn inn og ýtir á Next
6. Þá opnast síða þar sem Apple er að processa þáttinn og fyrsta skrefið er að scrolla aðeins niður og velja frequency (hvort þættirnir séu vikulega, bi-weekly, osfrv.) og ýta svo á Publish
7. Nú þarftu að bíða í allt að klukkustund, kíkja aftur/refresha og ýta á Publish
8. Núna er Apple uppsett og gæti tekið allt að 2 daga að birtast á veitunni

Spotify

1. Búðu til aðgang á https://podcasters.spotify.com/
2. Þegar þú býrð til aðganginn þá er spurt hvort þú viljir byrja með hlaðvarp á Spotify eða hvort þú sért nú þegar með hlaðvarp á annari veitu og þú velur þann valkost.
3. Þar þarftu að setja RSS hlekkinn frá dreifiveitunni og ýta á Next
4. Þá er Spotify klárt en gæti tekið 1-2 daga fyrir hlaðvarpið að birtast á veitunni.

Tal

1. Sendir RSS hlekkinn á tal@tal.is með nafni hlaðvarpsins, lýsingu og mynd og fyrirsögninni „Bæta hlaðvarpi við á Tal.is“

Núna er allt uppsett og í framhaldi þegar þú setur inn þátt þá birtast þættirnir nánast alltaf samstundis á öllum hlaðvarpsveitum. Yfirleitt viltu gera þessa forvinnu áður en þú kynnir hlaðvarpið því ef hlaðvarpið á að fara í loftið á X degi þá er þetta eina leiðin til þess að tryggja að þátturinn birtist á þeim degi.